നോർത്ത് പറവൂർ: 73-ാമത് അഖിലേന്ത്യാ സഹകരണ വാരാഘോഷത്തോടനുബന്ധിച്ച് നടത്തിയ സംസ്ഥാനതല ലോഗോ രൂപകൽപ്പനാ മത്സരത്തിൽ അനന്തു കെ.എസ് ഒന്നാം സ്ഥാനം നേടി.
നോർത്ത് പറവൂർ കോ-ഓപ്പറേറ്റീവ് ട്രെയിനിങ് കോളേജ്/സെന്ററിലെ ജെ.ഡി.സി വിദ്യാർത്ഥിയും പള്ളിപ്പുറം സർവീസ് സഹകരണ ബാങ്ക് ജീവനക്കാരനുമായ അനന്തു കെ.എസ് രൂപകൽപ്പന ചെയ്ത ലോഗോയാണ് മത്സരത്തിൽ ഒന്നാം സ്ഥാനത്തിന് തിരഞ്ഞെടുക്കപ്പെട്ടത്.
സഹകരണ മേഖലയിലെ സർഗാത്മക കഴിവുകൾക്കും യുവപ്രതിഭകൾക്കും പ്രോത്സാഹനം നൽകുന്ന നേട്ടമാണിത്. സഹകരണ വാരാഘോഷത്തിന്റെ പ്രാധാന്യവും സഹകരണ പ്രസ്ഥാനത്തിന്റെ ആശയങ്ങളും പ്രതിഫലിപ്പിക്കുന്ന ലോഗോ രൂപകൽപ്പനയിലൂടെ അനന്തു ശ്രദ്ധേയമായ നേട്ടം കൈവരിച്ചു.
