രാജ്യത്ത് ഗതാഗത മേഖലയിൽ പുതിയ സഹകരണ മാതൃകയുമായി ഭാരത് ടാക്സിസർവ്വീസ് തുടക്കംകുറിച്ചു. പ്രധാനമന്ത്രി നരേന്ദ്ര മോദിയുടെയും കേന്ദ്ര ആഭ്യന്തര-സഹകരണ മന്ത്രി അമിത് ഷായുടെയും മാർഗ്ഗനിർദ്ദേശത്തിൽ, സഹകരണം, നവീകരണം, എല്ലാവരെയും ഉൾക്കൊള്ളുന്ന വികസനം എന്നിവ മുൻനിർത്തി ഭാരത് ടാക്സി സർവീസ് രാജ്യത്തെ ഗതാഗത മേഖലയിൽ വിപ്ലവകരമായ മാറ്റങ്ങൾക്ക് തുടക്കം കുറിക്കുന്നു.മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ്, കേന്ദ്ര സഹകരണ സഹമന്ത്രി മുരളീധർ മോഹോൾ എന്നിവർ ചേർന്നാണ് സംസ്ഥാനത്തെ ഭാരത് ടാക്സി സർവീസിന്റെ ഔദ്യോഗിക ഉദ്ഘാടനം നിർവ്വഹിച്ചത്. ചടങ്ങിൽ മറ്റ് പ്രമുഖ വ്യക്തികളും പങ്കെടുത്തു.ടാക്സി-ഓട്ടോ തൊഴിലാളികളായ എല്ലാ സാരഥികൾക്കും ന്യായമായ വേതനവും മികച്ച തൊഴിൽ സാഹചര്യവും ഉറപ്പാക്കുന്ന ഒരു സഹകരണ യാത്രാ മാതൃകയാണ് ഭാരത് ടാക്സി വിഭാവനം ചെയ്യുന്നത്. മഹാരാഷ്ട്രയിൽ ഈ സർവീസ് ആരംഭിച്ചതിലൂടെ കൂടുതൽ സുതാര്യവും ജനകീയവുമായ ഒരു പൊതുഗതാഗത ശൃംഖലയ്ക്കാണ് തുടക്കമായിരിക്കുന്നത്.