മുംബൈ: കേരളത്തിലെ സഹകരണ മേഖലയെ കൂടുതൽ ശക്തിപ്പെടുത്തുന്നതിനും അടിസ്ഥാന സൗകര്യ വികസനത്തിന് പുതിയ പദ്ധതികൾ ആവിഷ്കരിക്കുന്നതിനുമായി സഹകരണ മന്ത്രി എം. ലിജു നബാർഡ് ചെയർമാൻ ഡോ. ഷാജി കൃഷ്ണനുമായി കൂടിക്കാഴ്ച നടത്തി.
മുംബൈയിലെ നബാർഡ് ആസ്ഥാനത്ത് നടന്ന കൂടിക്കാഴ്ചയിൽ കേരളത്തിലെ സഹകരണ പ്രസ്ഥാനത്തിന്റെ വികസനവുമായി ബന്ധപ്പെട്ട വിവിധ വിഷയങ്ങൾ ചർച്ച ചെയ്തു. സഹകരണ സ്ഥാപനങ്ങളുടെ അടിസ്ഥാന സൗകര്യങ്ങൾ മെച്ചപ്പെടുത്തുക, മേഖലയിലെ പ്രവർത്തനങ്ങൾ കൂടുതൽ കാര്യക്ഷമമാക്കുക, പുതിയ വികസന പദ്ധതികൾക്ക് ആവശ്യമായ പിന്തുണ ഉറപ്പാക്കുക തുടങ്ങിയ വിഷയങ്ങൾ കൂടിക്കാഴ്ചയിൽ പരിഗണിച്ചതായി അറിയിച്ചു.
കേരളത്തിലെ സഹകരണ മേഖലയെ കാലാനുസൃതമായി നവീകരിക്കുകയും കൂടുതൽ ശക്തമായ ജനകീയ സാമ്പത്തിക സംവിധാനമായി മുന്നോട്ടുകൊണ്ടുപോകുകയും ചെയ്യുന്നതിനുള്ള വിവിധ സാധ്യതകളും ചർച്ചയിൽ ഉയർന്നുവന്നു.
നബാർഡിന്റെ പിന്തുണയും സഹകരണ വകുപ്പിന്റെ നേതൃത്വത്തിലുള്ള വിവിധ ഇടപെടലുകളും ഏകോപിപ്പിച്ച് കേരളത്തിലെ സഹകരണ സ്ഥാപനങ്ങളുടെ വളർച്ചയ്ക്ക് കൂടുതൽ ഊർജം നൽകുന്നതിനുള്ള നടപടികൾക്ക് കൂടിക്കാഴ്ച വഴിയൊരുക്കുമെന്നാണ് പ്രതീക്ഷ.
#CooperativeDepartment #KeralaGovernment #UDFGovernment #NABARD #Cooperation #KeralaCooperativeSector
