കേരള കോ-ഓപ്പറേറ്റീവ് എംപ്ലോയീസ് യൂണിയൻ സംഘടിപ്പിച്ച ശിൽപശാലയിൽ മാതൃകാ ഐടി നയരേഖ പ്രകാശനം ചെയ്തു.മേയർ ഒ. സദാശിവൻ ഉദ്ഘാടനവും നയരേഖയുടെ പ്രകാശനവും നിർവഹിച്ചു. പ്രൈമറി കോ-ഓപ്പറേറ്റീവ് അസോസിയേഷൻ സംസ്ഥാന വൈസ് പ്രസിഡൻറ് മനയത്ത് ചന്ദ്രന് നൽകി മേയർ പ്രകാശനം നിർവഹിച്ചു.സഹകരണ മേഖലയിൽ ഐടി ഉപയോഗം പ്രോത്സാഹിപ്പിക്കുകയാണ് നയത്തിന്റെ ലക്ഷ്യമെന്ന് നേതാക്കൾ പറഞ്ഞു. യൂണിയൻ ജില്ലാ പ്രസിഡന്റ് ഇ.സുനിൽകുമാർ അധ്യക്ഷനായി സർക്കിൾ കോ-ഓപ്പറേറ്റീവ് യൂണിയൻ ചെയർമാൻ ഇ. പ്രേംകുമാർ ,ജില്ലാ സെക്രട്ടറി എം.കെ ശശി,വൈസ് പ്രസിഡൻറ് ഇ വിശ്വനാഥൻ , പി.പി അശ്വതി ,മുബഷീർ അലി താഹിർ പി.എസ് സനീഷ് ,കെ.എം മനോജൻ ,കെ.ജി സജീഷ്,പി പ്രബിത എന്നിവർ സംസാരിച്ചു.